Тулгар төрийн 2232, Их Монгол Улс байгуулагдсаны 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ой, Үндэсний их баяр наадмын хүчит бөхийн барилдааны есийн даваа болж дууслаа. 

Энэ жилийн наадмын үзүүр түрүүнд Архангай аймгийн Цэнхэр сумын харьяат улсын гарди М.Бадарч болон Өвөрхангай аймгийн Төгрөг сумын харьяат улсын харцага Ц.Бямба-Отгон үлдсэн юм.

Улсын гарди М.Бадарч ес даван түрүүлж улсын арслан цолтон боллоо. Харин улсын харцага Ц.Бямба-Отгон найман үзүүрлэж үлсын гарди цолтон боллоо. 

Улсын гарди М.Бадарч Үндэсний их баяр наадмын хүчит бөхийн барилдаанд ес даван түрүүлж улсын арслан цол хүртсэнээр 100 жилийн ойг тохиож буй Архангай аймгийн ард түмнийгээ баясгалаа.

Харин Өвөрхангай аймгийн Төгрөг сумын харьяат улсын харцага Ц.Бямба-Отгон энэ жилийн наадамд үзүүрлээ улсын гарди цол хүртэв. Ингэснээр 2009 оноос хойш Өвөрхангай аймгийн бөх Үндэсний их баяр наадмын хүчит бөхийн барилдааны үзүүр түрүүнд шалгараагүй гэсэн статистикийг зогсоосон юм.