Хүй долоон худагт хурдан азарга барианд орлоо. Энэ жилийн наадамд 124 азарга уралдуулахаар бүртгүүлсэн бөгөөд Увс аймгийн Зүүнбүрэн сумын уяач Б.Норовсамбуугийн хээр азарга түрүү магнай хүртлээ. 

Барианы зурхайд Увс аймгийн Зүүнбүрэн сумын уяач Б.Норовсамбуугаас сэтгэгдлийг нь сонсоход "Нийт наадамчиддаа баяр наадмын мэнд дэвшүүлье. Азарга маань Булган аймгийн Хутаг-Өндөр сумын Ө.Ганбат гэж хүний унаган адуу. Өмнө нь улсын наадамд уралдаж байгаагүй. Анх удаа улсын наадамд уралдаад түрүүлгэлээ. Өнгөрсөн жил номерын маргаанаас болоод сойж чадаагүй.