Хүй долоон худагт хурдан азарга барианд орлоо. Энэ жилийн наадамд 124 азарга уралдуулахаар бүртгүүлсэн бөгөөд Увс аймгийн Зүүнбүрэн сумын уяач Б.Норовсамбуугийн хээр азарга түрүү магнай хүртлээ. 

Аманхүзүүд Хөвсгөл аймгийн Мөрөн сумын уяач Д.Даяндэмидын хонгор азарга орсон бол  Завхан аймгийн Тосонцэнгэл сумын харьяат Монгол Улсын тод манлай уяач Т.Ууганбаярын уулс хүрэн гуравт, Говь-Алтай аймгийн Төгрөг сумын уяач Б.Пүрэвжаргалын бор дөрөвт, Булган аймгийн Гурванбулаг сумын харьяат Х.Аминхишигийн хүрэн халзан айргийн тавд тус тус орлоо.