Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний их баяр наадмын хязаалан насны хурдан морины уралдаан хуваарь ёсоор өнөөдөр 07:00-11:00 цагт болох байсан юм.

Гэвч Хүй 7 худагт бороо ихтэй, уралдааны зам шавхайтай учир хүүхдийн аюулгүй байдлыг харгалзан хязаалан морьдын уралдааныг хойшлуулсан байна.

Тэгвэл хугацаа тодорхой болсон тухай буюу хязаалан насны морьдын уралдааныг 14:00 цаг хүртэл хойшлуулсан мэдээлэл Засгийн газрын ХМОНХХ-ээс өгсөн гэж эх сурвалж мэдээллээ.