Тулгар төр байгуулагдсаны 2228 жил, Их Монгол Улсын 813, Ардын хувьсгалын 98 жилийн ой, Үндэсний их баяр наадамд зориулсан “Монгол бахархал” гэрэл зургийн үзэсгэлэнгийн нээлт өчигдөр боллоо. 

Үзэсгэлэнд 30 гэрэл зурагчны шилдэг 50 бүтээлийг дэлгэсэн бөгөөд долоодугаар сарын 9-15-ныг хүртэл Уран зургийн галерейд үргэлжлэн дэлгэгдэнэ. 

Үндэсний баяр наадам зохион байгуулах хорооны соёл, урлагийн салбар хорооноос тус үзэсгэлэнг санаачлан Засгийн газрын хэрэгжүүлэгч агентлаг Соёл, урлагийн газар, Монголын гэрэл зурагчдын нэгдсэн холбоо хамтран зохион байгуулж байгаа аж.