Тулгар төрийн 2227 жил, Их Монгол Улс  байгуулагдсаны 812 жил, Үндэсний эрх чөлөө, тусгаар тогтнолоо сэргээн мандуулсны 107 жил, Ардын хувьсгалын 97 жил, Ардчилсан хувьсгалын 29 жил, Үндэсний их баяр наадмын хурдан их насны морьд барианд орлоо.

Энэ насанд нийт 384 хурдан буян бүртгүүлсэн ч гарааны зурхай руу 339 нь хөдөлсөн юм. Их насны морьдын уралдаанд Төв аймгийн Дэлгэрхаан сумын харьяат, уяач Шаравын Мөнгөншагайгийн залуу зээрд түрүүлж, аман хүзүүнд Төв аймгийн Батсүмбэр сумын уугуул, уяач Ц.Батсайханы хээр давхилаа. 

Айргийн гуравт Дундговь аймгийн Хулд сумын уугуул, Монгол улсын Алдарт уяач Б.Лхагва-Очирын хонгор халзан, айргийн дөрөвт Завхан аймгийн Дөрвөлжин сумын харьяат, ХЦ-ийн 0208-р анги, Хилчин спорт хорооны уяач Манлай уяач Дайдийхүүгийн Баяраагийн хүрэн, айргийн тавд Говь-Алтай аймгийн Баян-Уул сумын уугуул Тод манлай уяач Д.Дагвадоржийн зээрд давхилаа.