Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадамд түрүүлсэн Увс аймгийн Ховд сумын харьяат, ДЦС-3 ТӨХК-ийн болон “Увс нуур” дэвжээний бөх Улсын арслан  Намсрайжавын Батсуурьт өнөөдөр Эрчим хүчний сайд М.Сономпил хүндэтгэл үзүүлж, алд цэнхэр хадаг, мөнгөн аягатай сүү өргөн барилаа. Мөн энэ үеэр түүний гаргасан амжилтыг үнэлж Эрчим хүчний яамны Хүндэт жуух бичгээр шагнасныг гардуулж баяр хүргэсэн байна.