Тулгар төрийн 2223, Их Монгол Улс байгуулагдсаны 808 жил, Ардын хувьсгалын 93 жилийн ойн Үндэсний их баяр наадмын хүчит бөхийн барилдааны дөрвийн даваа эхэллээ. Энэ даваанд бөхчүүд оноолтоор барилддаг учир өрсөлдөөнтэй ширүүн барилдаан болдогоороо онцлог юм. Залуу бөхчүүд өндөр цолтой бөхчүүдтэй энэ даваанд шийдэмгий барилдах тохиолдлууд цөөнгүй гардаг. Ингээд дөрөвийн даваанд Дархан аварга Г.Өсөхбаяр аймгийн харцага н.Баасандоржтой оноолт тааран барилдаж байна. н.Баасандоржийн хувьд гурвын даваанд Улсын харцага н.Ганхуягийг өвдөг шороодуулсан юм. Улсын аварга н.Мөнхбат аймгийн гарьд н.Пүрэвдагватай оноолт тааран барилдаж байна.