Тулгар төрийн 2223, Их Монгол Улсын 808, Ардын хувьсгалын 93 жилийн ой, Үндэсний их баяр наадмын нээлтийн тасалбар маргаашнаас худалдаанд гарна.

Тасалбар Төв цэнгэлдэхийн суудал, байршлаас хамаарч 16 000, 20 000, 24 000 төгрөгийн үнэтэй байгаа аж. Наадмын нээлтийн тасалбарыг 6-8-ны өдрүүдэд Соёлын төв өргөө, Бөхийн өргөөний кассуудаар худалдаалах юм байна.

Монгол төрийн их баяр наадмын нээлт энэ сарын 11-ний өдрийн 11:00 цагт эхлэх ба энэ жилийн наадмын нээлтийг Төрийн шагналт, МУГЖ Д.Сосорбарам найруулан, "Босоо заяатай Монгол" зохиомжоор толилуулна. Үндэсний их баяр наадмын Урианхай сурын харваа энэ сарын 7 буюу ирэх даваа гаригт эхэлнэ.

ө