Дэлхийд ганцхан монгол наадмаараа дэнж хотойтол наадах цаг айсуй. Наадахын хажуугаар дараах эрүүлмэндийн зөвлөмжийг дагаж, сайхан наадахыг нийт ард иргэддээ хүсч байна.

Үүнд:

Нэг. Ерөнхий зөвлөмж:

• Баяр наадмын үеэр архи, согтууруулах ундааг хэтрүүлэн хэрэглэхгүй байх;
• Холын замд явахдаа автомашины бүрэн бүтэн байдлыг ханган, хурдаа тохируулан явах, осол гэмтэлд өртөхөөс сэргийлэх;
• Даралт ихтэй, өндөр настан, баганасны хүүхдүүд, зүрх судасны болон чихрийн шижин өвчтэй хүмүүст анхаарал халамж тавих;
• Даралт ихтэй, зүрх судасны өвчтэй хүмүүс тогтмол эм уух;
• Голын усанд болгоомжтой орох, үер усны аюулаас сэрэмжлэх;
• Гэр орон болон хөдөө орон нутагт аялал зугаалгаар явахдаа галын аюулгүй байдлыг хангах.

 Хоёр. Наршилтаассэргийлэх:

• Нарны малгай өмсөх, шүхэр хэрэглэх, нүдний шил зүүх;
• Ус, шингэн зүйлийг бага багаар их хэмжээтэй уух;
• Алчуур, малгайг хүйтэн усаар норгож өмсөх;
• Хурц нартай үед удаан хугацаагаар явахгүй байх.

 Наршилтын үед дараах шинж тэмдэг илэрнэ.

• Бие суларч тамир тэнхээ алдах;
• Толгой эргэх, өвдөх;
• Биеийн халуун нэмэгдэх;
• Цээж багтран амьсгаа цухалдах;
• Царайны өнгө цонхийж цайх;
• Бөөлжис хүрч, дотор муухайрах;
• Хөлс гарах нь багасах, ихсэх;
• Нүүр чинэрэн улайж, цээж багтран амьсгаа цухалдах зэрэг шинжт эмдэг илэрнэ.

Хэрвээ таны эргэн тойрны хэн нэгэнд дээрх шинж тэмдэг илэрвэл дараах тусламжийг үзүүлнэ. Үүнд:

• Сэрүүхэн нам тайван газарт шилжүүлэн амраах; (сүүдэрт, сэрүүн өрөөнд гэхмэт)
• Бүлээн шингэн уулгах; (чихэртэй ус, цэвэр ус)
• Хүйтэн жин тавих;
• Арьсны нимгэн хэсэгт хүйтэн жин тавих; (мөстэй уут тавих эсвэл спиртээр биеийг арчих)
• Иллэг хийж, цусны эргэлтийг сайжруулах зэрэг арга хэмжээ авах.

Гурав. Хоолны шалтгаант хордлогоос сэргийлэх: 

• Хуушуур, хорхог зэрэг хүнсний бүх бүтээгдэхүүнийг баталгаат газраас худалдан авах;
• Хуушуур, хорхог зэрэг өөх тостой хоол идсэний дараа хүйтэн ундаа, айраг уухгүй байх;
• Хоол идэхийн өмнө гараа савандаж угаах, боломжгүй үед нойтон сальфетик хэрэглэх;
• Жимс, жимсгэнийг сайтар угааж хэрэглэх;
• Хүйтэн зууш, дахин боловсруулалт хийдэггүй хүнсийг задалсан даруй хэрэглэх;
• Буцалсанус, савласан цэвэр ус уух;
• Том савлагаатай ундаа, усыг ам дамжуулан уухгүй байх, нэг удаагийн аяга хэрэглэх;
• Хүнсний бүтээгдэхүүний хадгалалтын дуусах хугацааг сайтар нягтлах;
• Хүнсний бүтээгдэхүүнийг аль болох сэрүүн газар, хөргөгчид хадгалах;
• Бүрэн болон хагас боловсруулсан, боловсруулаагүй /түүхий/ хүнсний бүтээгдэхүүнийг тусад нь хадгалах