Орхон аймгийн “Эрдэнэт ус, ДТС” ОНӨХК-ийн ААХШХ-ийн ахлах ажилтан Ж.Энхсайхан, ХЭСАБ-ын инженер Г.Баасан-Эрдэнэ, ХЭМАБ-ын инженер Д.Алтанзул, ХШҮ-ний мэргэжилтэн Б.Үнэнбат нар Орон сууц нийтийн аж ахуйн удирдах газрын үйл ажиллагаатай танилцаж, туршлага судаллаа.

Тус байгууллагын төлөөлөгчдийг ОСНААУГ-ын дарга Э.Энхтөр хүлээн авч уулзан, байгууллагын үйл ажиллагаа, стратеги төлөвлөлт, цаашдын хөгжлийн зорилт болон орон сууц, нийтийн аж ахуйн салбарын цахимжилт, технологийн шинэчлэлийн талаар мэдээлэл өгч, санал солилцов.

Уулзалтын үеэр байгууллагуудын үйл ажиллагааны туршлага, сайн туршлагыг харилцан судлах, цаашдын хамтын ажиллагааг өргөжүүлэхийн ач холбогдлыг онцоллоо.

Уулзалтын төгсгөлд ОСНААУГ-ын дарга Э.Энхтөр хүрэлцэн ирсэн төлөөлөгчдөд талархал илэрхийлж, цаашдын ажил үйлсэд нь амжилт хүслээ.