Авлигатай тэмцэх газраас төрийн өндөр албан тушаалтнуудын Хөрөнгө, орлогын мэдүүлгийг ил болгосон. Үүнтэй холбогдуулан бид УИХ болон НИТХ-ын төлөөлөгчдийн ХОМ-ийг цувралаар танилцуулж байгаа билээ.

Энэ удаа Груван орон нутгийн өмчит газрын ТУЗ-д ажилладаг, НИТХ-ын төлөөлөгч О.Зундуйдоржийн 2025 онд АТГ-т шинэчлэн мэдүүлсэн Хөрөнгө, орлогын мэдүүлэг /ХОМ/ хүргэж байна.

АН-аас нэр дэвшин НИТХ-д сонгогдсон О.Зундуйдорж Нийслэлийн хөрөнгө оруулалт, бүтээмж хариуцсан менежерийн албан тушаалаасаа чөлөөлөгдөөд удаагүй байна. Тэрбээр “ОСНААУГ” ОНӨААТҮГ, “Зорчигч тээвэр хоёр” ОНӨААТҮГ, “Сэлбэ 20 минутын хот корпораци” ХХК-ийн ТУЗ-ийн гишүүнээр тус тус ажиллаж, гурван байгууллагад давхар алба хашиж байна.

О.Зундуйдорж ХОМ-доо жилийн орлогоо 72 сая төгрөг хэмээн мэдүүлсэн бол орон сууц, амины орон сууц болон бусад үл хөдлөх хөрөнгөгүй гэж мэдүүлсэн нь анхаарал татаж байна.

Тэрбээр мэдүүлэгтээ:

Өөрийн орлого: ₮72 сая
Гэр бүлийн орлого: ₮0 сая
Хөрөнгө борлуулсны орлого: ₮0 сая
Орон сууц барилга байгууламж: ₮0 сая
Тээврийн хэрэгсэл: ₮65 сая  /Mercedes Benz E300  маркийн  автомашинтай /
Мал аж ахуй: ₮180 сая /Адуу-3/
Газар: ₮0 сая
Үнэт эдлэл, урлаг, түүхийн үнэт зүйл: ₮395 сая
Хадгаламж: ₮3 сая 
Авлага: ₮325 сая
Зээл:  ₮0 сая гэж мэдүүлжээ.