Нийслэлийн Баянзүрх дүүргийн 20 дугаар хороо, Гачууртын эцэс орчмын Туул голд хүн живсэн тухай дуудлага долоодугаар сарын 2-ны өдрийн 19:58 цагт  Онцгой байдлын байгууллагад иржээ.

Дуудлагын дагуу, Нийслэлийн Аврах ангийн алба хаагчдыг очиход иргэн Т. (23 настай, эрэгтэй) Туул голд сэлж байгаад живсэн байжээ.

Улмаар аврагчид эрэн хайх ажиллагаа явуулж, анх усанд орсон газраас 160 орчим метрийн зайд, голын урд эргээс талийгаачийн цогцсыг олж гарган Баянзүрх дүүргийн Цагдаагийн газрын III хэлтэст шилжүүлэн өгсөн байна.