МАН-аас Баянгол дүүрэгт ИТХ-ын төлөөлөгчөөр сонгогдсон Б.Ууганцэцэг гэр бүлийн маргааны улмаас нөхрийгөө хутгалсан хэрэг гарсан талаар бид өмнө мэдээлж байсан. Тус хэрэг нь өдгөө  БГД-ийн цагдаагийн газарт шалгагдаж буй.

Тодруулбал, Б.Ууганцэцэг нь нөхөр М-н биед мохоо хутгаар 3 зүсэж, гэмтээсэн хэмээн өөрийнх нь ажлуулдаг буузны цехийн ажилчид ярьжээ. Б.Ууганцэцэг нь шөнийн 01 цагийн үед буузны цех рүүгээ орж нөхөртэйгээ маргалдсаны улмаас мохоо хутгаар гэдэс, хэвлий хэсэгт нь гурван удаа хутгалсан гэх мэдээлэл байна. 

Тэгвэл БГД-ийн төлөөлөгч Б.Ууганцэцэгийн 2024 онд АТГ-т шинэчлэн мэдүүлсэн ХОМ-ийг танилцуулж байна.

Тэрээр  дүүргийн ИТХ-ын төлөөлөгч болсноор үл хөдлөх хөрөнгө нь  436 сая төгрөгөөс 90 сая төгрөг болж буурчээ.

Тэрбээр мэдүүлэгтээ:

Өөрийн орлого: ₮42 сая
Гэр бүлийн орлого: ₮90 сая
Орон сууц барилга байгууламж: ₮90 сая /орон сууц-1/
Тээврийн хэрэгсэл: ₮0 сая 
Мал аж ахуй: ₮51 сая /Адуу-7, Сайн үүлдрийн үхэр-15/
Газар: ₮0 сая
Үнэт эдлэл, урлаг, түүхийн үнэт зүйл: ₮74 сая
Хадгаламж: ₮0 сая
Авлага:  ₮105 сая
Зээл:  ₮0 сая гэж мэдүүлжээ.