Монгол Улсын Ерөнхийлөгчийн санаачилсан “Дэлхийн адууны өдрийн тухай” тогтоолыг НҮБ-ын Ерөнхий Ассамблей дэмжин баталсан. Тогтоолын дагуу Дэлхийн адууны өдрийг 2026 оны 07 дугаар сарын 11-ний өдөр анх удаагаа Монгол Улс зохион байгуулах гэж байна. Уг ажлыг зохион байгуулах ажлын хэсгийг Монгол Улсын шадар сайд Х.Ганхуяг ахалж, миний бие ажлын хэсэгт ажиллаж байна.

Эрт дээр үеэс эдүгээ хүртэл адууны соёл, уламжлалаа хадгалсаар ирсэн нүүдэлчин, морьтон улсын хувьд дэлхийн бүх морьтонгуудыг эх орондоо авчирч, нэгэн дор цуглуулж, 10.000 морьтон парадыг хийнэ. Мөн тив дэлхийд алдартай хүмүүс морины элч төлөөлөгч болж уг парадад оролцох зэрэг олон сонирхолтой үйл ажиллагааг бид төлөвлөж байна.