Нийслэлийн гэмт хэргээс урьдчилан сэргийлэх салбар зөвлөлөөс 2026 онд зам тээврийн осол, гэмт хэрэг, зөрчлийг 50 хувиар бууруулах зорилт тавьж ажиллаж байна.

Жолооч хотын захын буюу Эмээлт, Хонхор, Налайх, 3-61-ийн гарам, Партизан, Сонсголонгийн замд хурд хэтрүүлсний улмаас зам тээврийн осол аваарын тоо буурахгүй байна.

НИТХ-ын дарга бөгөөд Нийслэлийн гэмт хэргээс урьдчилан сэргийлэх салбар зөвлөлийн дарга А.Баяр дээрх замуудын нөхцөл байдалтай газар дээр нь танилцаж, тэмдэг тэмдэглэгээ, явган хүний гарц, камер, агшин зуурын хурд хэмжигч байршуулах талаар албаныханд үүрэг даалгавар өгч ажиллаж байна.