Хан-Уул дүүрэг 1, 2, 20-р хорооны нутаг дэвсгэр, Чингисийн өргөн чөлөөний хэсэгчилсэн засвар, шинэчлэлтийн ажлын хүрээнд Алтарганы уулзвараас Таван богд групп хүртэлх авто замыг хааж, шинэчилнэ.

Тус замыг маргааш буюу  зургаадугаар сарын 27-ны 23:00 цагаас хааж, зургаадугаар сарын 29-ний 12:00 цагт нээнэ. Уг зорчих хэсэгт өнгө асфальт бетон хучилт, тэмдэглэгээ хийнэ. Иймд иргэд, жолооч та бүхэн бусад замыг сонгон хөдөлгөөнд оролцоно уу хэмээн Тээврийн цагдаагийн албанаас мэдээллээ.