Зайсангийн шинэ гүүр буюу зүүн гүүрний барилга угсралтын ажил 65%-ийн явцтай үргэлжилж байна гэж НЗХГ-аас мэдээллээ.

Зайсангийн хуучин гүүрийг 1968 онд буюу одоогоос 57 жилийн өмнө ашиглалтад оруулж байв. Үүнээс хойш засвар, шинэчлэлт огт хийгээгүй. Улмаар 2012 онд ашиглалтын түвшин D үнэлгээнээс бага, хэзээ ч нурж магадгүй гэсэн дүгнэлтийг мэргэжлийн байгууллагаас гаргажээ.

Иймд гүүрийг зайлшгүй нураах, шинээр гүүр барих шаардлага үүссэн болохыг нийслэлээс мэдээлж байв.

Зайсан чиглэлийн төмөр бетон гүүр нь хоногт 26 мянган автомашин нэвтрүүлэх хүчин чадалтай 225 метр урт байхаар төлөвлөж байгаа юм.