“Тусгаар тогтнол 3333” хөтөлбөрийн хүрээнд Ардын уран зохиолч Д.Пүрэвдоржийн “Тусгаар тогтнол” шүлгийг ерөнхий боловсролын сургуулийн 1-8 дугаар ангийн 3333 сурагчдаар уншуулах арга хэмжээг 2025 оны 04 дүгээр сарын 04-ний өдөр Д.Сүхбаатарын талбайд зохион байгуулна.

Арга хэмжээнд оролцох сурагчдын аюулгүй байдлыг хангах, зам тээврийн осол зөрчлөөс урьдчилан сэргийлэх, хөдөлгөөний аюулгүй байдлыг хангуулах үүднээс талбайн зүүн, баруун талын авто замын хөдөлгөөнийг түр хязгаарлах болсныг Тээврийн цагдаагийн албанаас мэдээллээ. Авто замын хөдөлгөөнийг 2025 оны 04 дүгээр сарын 04-ний өдрийн 09:00-14:00 цагийн хооронд түр хязгаарлах тул иргэд, жолооч та бүхэн бусад зам, маршрутыг сонгон хөдөлгөөнд оролцоно уу.