Суудлын автомашины жолооч өнөөдөр явган замын зорчих хэсэг давж, улмаар Түргэн үйлчилгээний цэг /ТҮЦ/ мөргөсөн осол гаргажээ. 

Тодруулбал, тус автомашин нь Баянзүрх дүүргийн 16 хороо, Офицеруудын ордны зүүн урд талд байрлах ТҮЦ мөргөсөн байна. 

Ослын улмаас нэг зорчигч хүнд гэмтсэн бөгөөд эмнэлгийн тусламж авчээ.

Ослын шалтгааныг тогтоохоор цагдаагийн байгууллага ажиллаж байгаа аж.