Хотын дарга Х.Нямбаатар нийслэлийн харьяа зарим байгууллагуудыг татан буулгах талаар мэдээлэв.

Тодруулбал, уг ажлыг Нийслэлийн улсын бүртгэлийн газар, Нийслэлийн хүүхэд, гэр бүлийн хөгжил, хамгааллын газраас эхлүүлэх аж.

Энэ талаар Хотын дарга Х.Нямбаатар "Нийслэлийн харьяа босоо удирдлагатай хэд хэдэн байгууллага бий. Эдгээр газруудыг татан буулгах бичигт өнөөдөр гарын үсэг зурж, Засгийн газрын хэрэг эрхлэх газарт /ЗГХЭГ/ явууллаа. Тухайлбал, Нийслэлийн Бүртгэлийн газар, Нийслэлийн хүүхэд, гэр бүлийн хөгжил, хамгааллын газрыг татан буулгана. Яагаад гэвэл дүүргүүд дээр энэ чиг үүргийг хэрэгжүүлж байгаа хэлтэс бий. Тухайн нэгжийг харьяа агентлаг нь удирдлага, арга зүйгээр хангаад явах бүрэн боломжтой. Өнөөдөр бид хэмнэлтийн тухай ярьж байхад төр өөрөө цомхон байх ёстой. Гэтэл 30-40 хүнтэй ямар ч тодорхой чиг үүрэг, иргэдэд үйлчлэх үйлчилгээ байхгүй ийм байгууллагууд байна." гэсэн юм.

Тэгвэл хотын даргын цомхотголд өртөж буй Нийслэлийн Улсын бүртгэлийн газрын даргаар Г.Анхныбаярын 2023 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮32 сая
Гэр бүлийн орлого: ₮49 сая
Орон сууц барилга байгууламж: ₮470 сая /орон сууц-3 /
Тээврийн хэрэгсэл: ₮50 сая /Жийп болон туулах чадвар өндөр,Ford, Expedition /
Мал аж ахуй: ₮0 сая
Газар: ₮30 сая /Эзэмших-06га-1, Эзэмших-07га-2, Эзэмших-500м2-2, Эзэмших-600м2-1 нийт зургаан газартай /
Үнэт эдлэл, урлаг, түүхийн үнэт зүйл: ₮170 сая
Хадгаламж: ₮30 сая
Авлага:  ₮151 сая
Зээл:  ₮6 сая гэж мэдүүлжээ.