2024 оны 10 дугаар сард НИТХ-д сонгогдсон 45 төлөөлөгчийн 20 гаруй нь "ДАВХАР ДЭЭЛ" өмссөн.  

Тухайлбал, тэдний нэг бол  Нийслэлийн Ардчилсан намын Бүлгийн дарга, НИТХ-ын төлөөлөгч, Сүхбаатар дүүргийн 16-р хорооны Засаг дарга Б.Эрдэнэсүх юм.

Б.Эрдэнэсүх нь Говь-Алтай аймгийн Баян-Уул сумын уугуул, аймгийн заан цолтой.  Түүнчлэн 2014-2017 онд “Очух” ХХК-ийн захирал, 2017 онд Сүхбаатар дүүргийн 16 дугаар хорооны Засаг дарга, НИТХ-өөр хоёр удаа сонгогдон ажиллаж байна.

Тэгвэл давхар дээлтэй Б.Эрдэнэсүхийн  2023 онд АТГ-т мэдүүлсэн ХОМ-ийг хүргэж байна.

Тэрбээр мэдүүлэгтээ:

Өөрийн орлого: ₮36 сая
Гэр бүлийн орлого: ₮4 сая
Орон сууц барилга байгууламж: ₮610 сая /орон сууц-3 /
Тээврийн хэрэгсэл: ₮30 сая /Toyota Hi Ace маркийн машинтай /
Мал аж ахуй: ₮25 сая / Хурдан удмын адуу-5 /
Газар: ₮74 сая /Эзэмших-699м2-2, Эзэмших-700м2-4 нийт 6 газартай /
Үнэт эдлэл, урлаг, түүхийн үнэт зүйл: ₮10 сая
Хадгаламж: ₮64 сая
Бэлэн мөнгө: ₮300 сая
Зээл:  ₮0 сая гэж мэдүүлжээ.

Ташрамд дурдахад, Б.Эрдэнэсүх нь хороон Засаг дарга байхдаа буюу 2019 онд тэрээр 275 саяын үнэлгээтэй дөрвөн тээврийн хэрэгсэл, 100 саяын хурдан удмын адуу, 60 саяын газар, 100 саяын үнэт эдлэл, 300 саяын хадгаламжтай бийлэгжүү Засаг дарга байжээ.