Иргэдийн хүсэлтийн дагуу нийслэлийн агаарын бохирдлын асуудлыг  УИХ-аар хэлэлцэхээр болж, сонсгол зохион байгуулах ажлын хэсэг байгуулсан. Дээрх ажлын хэсэг дэд хэлэлцүүлгүүдийг зохион байгуулж, сонсголыг хоёрдугаар сарын 3, 4-ний өдөр зохион байгуулахаар товлосон юм.

Тэгвэл товлосон хуваарийн дагуу өнөөдөр /2025.02.03/ Утааны сонсгол "Агаарын бохирдлыг бууруулах хүрээнд утааны асуудлаарх бодлого, шийдвэрийн хэрэгжилтийн үр дүн, шийдэл" сэдвээр үргэлжилж байна.

Энэ үеэр иргэн Г.Ууганцэцэг "Шинжээч Сувдаа доктор угаараар 163 хүн нас барсан гэж хариуцлагагүй мэдээлэл хийлээ. Шүүхийн шинжилгээний дүгнэлтээр угаарын хийн хордлогоор 2018-2025 он хүртэл 720 хүн нас барсныг хариуцлагатайгаар мэдэгдье. Төр шахмал түлшийг үйлдвэрлэсэн бол ТӨР ХАРИУЦЛАГА ХҮЛЭЭХ ёстой" гэв.