Баянзүрх дүүргийн 9 дэх удаагийн иргэдийн Төлөөлөгчдийн Хурлын анхдугаар хуралдаан өнөөдөр болж, ИТХ-ын даргыг сонгох асуудлыг хэлэлцэж, улмаар төлөөлөгч нарын 86 хувийн саналаар Чимэд-Очирын Мэндсайхан БЗД-ийн ИХТ-ын даргаар сонгогдлоо.

Ч.Мэндсайхан нь БЗД-ийн ИТХ-ын ажлын албаны дарга, УИХ-ын гишүүн Ж.Батзандангийн орон тооны бус бие төлөөлөгч, Шударга Иргэдийн Нэгдсэн эвсэл намын ХЭГ-ын даргаар ажиллаж байсан нэгэн.

Тэгвэл Ч.Мэндсайхан АТГ-т мэдүүлсэн 2023 оны Хөрөнгө орлогын мэдүүлгийг танилцуулъя.

Тэрбээр 2023 оны хөрөнгө орлогын мэдүүлэгтээ “156,6 сая төгрөгийн орлоготой гэсэн бол гэр бүлийн орлогоо 271.4 сая хэмээн мэдүүлжээ. 

Мөн 903 сая төгрөгийн 2 орон сууцтай,  1 автозогсоолтой, 100 сая төгрөгийн 5 машинтай,  200 сая төгрөгийн газар, 156 сая төгрөгийн үнэт эдлэлтэй  хэмээн мэдүүлсэн байна.

Тухайлбал,

• Суудлын жижиг машин Geely,
• Bo Rui GE- 1,
• Суудлын жижиг машин,Toyota, Vitz- 1,
• Жижиг оврын ачааны машин,Hyundai, Porter- 1,
• Жижиг оврын ачааны машин,Hyundai, Porter- 1

Мөн 402 сая төгрөгийн малтай байна. Үүнд:

• Хурдан удмын адуу-6,
• Үхэр-101,
• Хонь-400

АЧ.Мэндсайхан  хувьд  2020 оноос Баянзүрх дүүргийн Иргэдийн Хурлын Төлөөлөгчөөр  ажилласан 4 жилийн хугацаанд орлого нь   30 сая төгрөгөөс  156 сая төгрөг болж , ҮЛ ХӨДЛӨХ хөрөнгө нь 485 саяас 903 сая 2 орон сууцтай болж өсжээ.