НИТХ-ын анхдугаар хуралдаан эхэллээ. Энэ хурлаас хотын даргыг сонгоно.

Хуралд энэ сарын 11-ний өдрийн сонгуулийн үр дүнгээр, тойрог тус бүрээсээ хамгийн олон санал авсан, 45 гишүүн оролцож байна. 

НИТХ-ын 45 төлөөлөгчөөс 27 нь АНХ УДАА, 13 нь хоёр дахь удаа, 4 нь гурав дахь удаа, дөрөв дэх удаагаа сонгогдсон 1 төлөөлөгч байна.

Мөн УИХ-ын гишүүнээр ажиллаж байсан 1 төлөөлөгч сонгогджээ.

НИТХ-ын 45 гишүүнээс хамгийн залуу нь 30 настай бол дийлэнх нь эрх зүйч мэргэжилтэй байна.

Тухайлбал,

• 18 буюу 40 хувь нь эрхзүйч,
• 10 буюу 22.2 хувь нь инженер,
• 7 буюу 15.5 хувь нь санхүү, эдийн засагч,
• 4 буюу 8.8 хувь нь бизнесийн удирдлага,
• 3 буюу 6.6 хувь нь улс төр судлаач,
• 2 буюу 4.4 хувь нь багш,
• 1 нь соёл урлагийн удирдлагын мэргэжилтэй.