Саппорогоос 25 дугаар эмийн сан хүртэл дулааны 11гд магистралийн 2Ф800 мм голчтой шугамыг 2Ф1000 мм голчтой болгож, 1.6 км хос шугамаар өргөтгөн шинэчлэх ажлыг энэ сарын 15-нд дуусгахаар төлөвлөжээ. Үргэлжлүүлэн нийслэлийн Замын хөгжлийн газраас уг байршилд 1.6 км авто зам барих аж. 

Уг шугамын өргөтгөл шинэчлэлтийн ажлын тендерт зургаан аж ахуйн шалгарч, долоодугаар сарын 16-ны өдрөөс ажлаа эхэлжээ. Өнөөдрийн байдлаар таван аж ахуйн нэгж 70-100 хувийн гүйцэтгэлтэй ажлаа үргэлжлүүлж байгаа юм байна. Харин нэг аж ахуйн нэгжийн хариуцлагагүй байдлаас ажил удааширсан тул бусад аж ахуйн нэгжүүд хүч нэмж ажиллан төлөвлөгөөт хугацаанд ашиглалтад оруулахаар болсон байна.