Иргэдийн дунд зонхилон тохиолдох халдварт бус өвчнөөс урьдчилан сэргийлэх эрт илрүүлгийн үзлэгийн хамрагдалтыг нэмэгдүүлэх, иргэдэд эрүүл мэндийн боловсрол олгох зорилтын хүрээнд дүүргийн Засаг даргын 2024 оны А/73 захирамжийн хүрээнд “Эрт илрүүлж, Эрт эмчилье” аяныг дүүргийн хэмжээнд 2024 оны 02 дугаар сарын 01-ээс 05 дугаар сарын 01-ний өдөр хүртэл амжилттай зохион байгууллаа.

      “Эрт илрүүлж, Эрт эмчилье” аяны хүрээнд Баянгол дүүрэгт шинээр, эрт илрүүлгийн үзлэг оношлогоонд нийт 164,266 иргэн хамруулснаар үзлэгт хамрагдсан иргэдийн тоо 65,7 хувьд хүрч, Нийслэлийн хэмжээнд тэргүүлж байгаа юм.

Мөн тус аяныг амжилттай зохион байгуулсан нийт 6 хорооны Ажлын алба болон Өрхийн эрүүл мэндийн төвүүдийг шагнаж урамшууллаа. Үүнд:

• Баянгол дүүргийн 11 дүгээр хороо болон “Гурван санчир” ӨЭМТ

• Баянгол дүүргийн 1 дүгээр хороо болон “Учрахуй” ӨЭМТ

• Баянгол дүүргийн 7 дугаар хороо болон “Эрхэм жаргалан” ӨЭМТ

• Баянгол дүүргийн 9 дүгээр хороо болон “Их Амгалан” ӨЭМТ

• Баянгол дүүргийн 12 дугаар хороо болон “Бичил манал” ӨЭМТ

• Баянгол дүүргийн 30 дугаар хороо болон “Арвин хурд” ӨЭМТ-үүд тус тус шалгарлаа.