Баянгол дүүрэг, Ахуйн үйлчилгээний уулзвараас Өргөө кино театрын уулзвар хүртэлх авто замын хөдөлгөөнийг нээжээ. Тус хэсгийн авто замын засвар, шинэчлэлтийн ажлыг энэ сарын 3-ны өдрийн 23:00 цагаас эхлүүлсэн юм. 

Засварын ажлын хүрээнд инженерийн шугам сүлжээний худгийн тагийг асфальтбетон хучилтын түвшинд тааруулах, хашлага солих, тэмдэг тэмдэглэгээний ажил, авто замын зорчих хэсгийн асфальтбетон хучилтын ажлыг хийж гүйцэтгэжээ.