Х.Нямбаатар: Хэн гэдэг УИХ-ын гишүүн тойрогтоо сургууль, цэцэрлэгийн барилгын тендерийг “будилаантуулсан“ гээд комиссын гишүүдийнх нь нэртэй зарлана

2024 оны 5 сарын 06

Хотын дарга Х.Нямбаатар "Сургууль, цэцэрлэгүүдийн жишиг зургийг өөрчлөх шаардлага байна. 150 хүүхдийн ортой цэцэрлэгийн эрхлэгч арын өрөөгөөр яах юм бэ. Өнөөдөр 150 хүүхдийн ортой цэцэрлэгийг хувь хүн барихаар бол 1.5 тэрбумд багтаагаад хангалттай барих байх. Гэтэл улсын төсвөөр 3 тэрбум гаруй төгрөгт ч багтааж барьж чадахгүй байна. Хугацааг нь сунгана, төсөвт өртгөө ч өсгөнө. Үүний ард авлига яригдана. БШУЯ үүнд анхаарах нь зүйтэй. Татвар төлөгчдийн мөнгийг яаж үрэн таран хийх вэ гэсэн байдлаар энэ ажлыг хиймээргүй байна.

Ийм байдал даамжирвал хэн гэдэг УИХ-ын гишүүн тойрогтоо ийм сургууль, цэцэрлэгийн барилгын тендерийг будлиантуулсан гээд тендер шалгаруулсан комиссын гишүүдийнх нь нэртэй зарлана." гэв.