Нийслэлийн Сонгинохайрхан дүүргийн нутаг дэвсгэр болох 22-ын товчооны орчимд дөрөвдүгээр сарын 24-ний 23.00 цагийн үед шатахууны тээвэрлэгч хүнд даацын автомашин галт тэрэгтэй мөргөлдсөн ноцтой осол гарсан талаар бид өмнө мэдээлсэн.

Тодруулбал, галт тэрэг ирж байгааг анхааруулсан улаан гэрэл асаж байхад хоёр ачааны машин төмөр зам хөндлөн гарчээ.

Энэ ослын талаар ЦЕГ-аас тодруулахад, "Чиргүүлтэй машин Толгойт өртөөнөөс гарсан вагонтой мөргөлдсөн тухай дуудлага өчигдөр орой 23.00 цагт бүртгэгдсэн. Дуудлагын дагуу цагдаагийн байгууллагаас ослын газар шуурхай ажилласан. Мөргөлдсөн машины жолооч эрүүл байсан. Хэргийг Тээврийн цагдаагийн албанаас шалгаж байна." гэв.