Манай улс Нийтийн тээврийн автобус нийлүүлэх тендерт шалгарсан БНХАУ-ын Yutong Bus компаниас 600 шинэ автобусыг 165.5 тэрбум төгрөгөөр авахаар болсон билээ.

Эхний ээлжийн 35 автобус Улаанбаатар хотод ирж, Төв талбай дээр өнөөдөр 10:00-16:00 цагийн хооронд байршуулан иргэдэд үзүүллээ.

Тэгвэл албаныханы хэлж буйгаар шинэ 35 автобуснууд ирэх сарын 02-оос буюу ирэх мягмар гарагаас иргэдэд үйлчлэхээр болжээ. 

Сонирхуулахад шинэ автобуснуудын баталгаат хугацаа 24 сар, ашиглалтын 10 жилийн хугацаанд үйлдвэрлэгчийн зүгээс сэлбэг, хэрэгслээр хангах аж.