Шинэ жилийн баярын өдрүүдэд нийслэлийн иргэдийн аюулгүй байдлыг хангах, гэмт хэрэгтэй тэмцэх, илрүүлэх, урьдчилан сэргийлэх зорилгоор  Нийслэлийн цагдаагийн удирдах газар /НЦУГ/-аас шөнийн эргүүл гарч, гэр хорооллын  гудамж, талбайд эргүүл, хяналт шалгалтын үүрэг гүйцэтгэж байна. 

Тэгвэл  НЦУГ-ын Эмэгтэйчүүдийн зөвлөлөөс санаачлан шөнө, оройн цагаар хүйтэнд  гадаа  үүрэг гүйцэтгэж буй  Нийтийн хэв журам хамгаалах, олон нийтийн аюулгүй байдлыг хангах газрын  Эргүүл, хяналтын хэлтсийн шөнийн эргүүлийн алба хаагчдад дэмжлэг үзүүлж, халуун  цай, аарц, чацарганаар үйлчилжээ.

Мөн  шөнийн цагаар замын хөдөлгөөнийг зохицуулж буй тээврийн алба хаагчдад аминдэм, халуун аарцаар үйлчилж, дэмжлэг үзүүлэв.

Нийслэлийн цагдаагийн удирдах газрын Эмэгтэйчүүдийн зөвлөл нь 2023 оны 2 дугаар сард байгуулагдан үйл ажиллагааг явуулж байгаа аж.