Нийслэлийн 309 дүгээр цэцэрлэгт Соробан сампингийн сургалт явуулдаг “ТDU” сургалтын төвийн багш "С" хүүхдүүдийг балаар хатгаж, чимхэж, толгой руу нь цохин зодож буй нь камерын бичлэг цахим орчинд түгээд буй. 

Тодруулбал тус цэцэрлэгийн хүүхдүүд эцэг эхдээ соробан сампингийн багш нь зоддог, толгой руу нь цохидог болохыг хэлснээр эцэг эхчүүд гомдол гаргаж, хяналтын камерын бичлэгийг шүүлгэн үзсэн байна. Бичлэгээр  тус багш хүүхдүүдийн толгой руу цохих, нүүр рүү нь алгадах зэрэг ёс зүйгүй үйлдэл гаргадгийг илрүүлжээ.

Энэ талаар ЦЕГ-аас тодруулахад " "Хэрэг бодитой эсэхийг Боловсролын мэргэжлийн хяналтын хэлтэс, ХГБХХЕГ, ЦЕГ-аас газар дээр нь ажиллаж шалгаж байна" гэв.