Хотын стандарт, орчны аюулгүй байдлын хяналт, зохицуулалтын газрын дарга С.Төмөрдуламыг АТГ-аас шалгаж, байцаалт авсан талаар бид өмнө мэдээлсэн.

Тодруулбал, түүнийг хууль бусаар газар олгох асуудалд холбогдуулан шалгаж байгаа гэсэн мэдээлэл бий. 

Эх сурвалжийн мэдээллээр “Авлига” хороолол гэж нэрлэгддэг “Аука гарден” хотхонд олгосон зөвшөөрөлтэй холбоотойгоор дээрх асуудал хариуцсан хэд, хэдэн хүнийг байцааж байгаа аж.

С.Төмөрдуламын хувьд  2019 оноос хойш Хотын стандарт, хяналтын газрын дарга буюу Улсын комиссын даргаар ажиллаж байна. Ингээд түүнийг ХОМ-ийг танилцуулъя.

Тэрээр 2.5 тэрбум төгрөгөөр үнэлэгдэх хоёр орон сууцтай, таван авто зогсоолтой, үйлчилгээний зориулалттай нэг барилга эзэмшдэг.

600 саяар үнэлэгдэх Lexus-470, Lexus-570, Lexus RX-350 маркийн гурван жийп автомашин эзэмшдэг гэж мэдүүлжээ.

Мөн 530 сая төгрөгийн газартай бөгөөд  245 сая төгрөгийн хадгаламжтай.

Түүний хоёр орон сууцны нэг нь нийслэлийн хамгийн үнэтэй, тансаг зэрэглэлийн хотхонд тооцогддог Хан-Уул дүүргийн 15-р хорооны “Жапан таун” хотхонд байдаг аж.