Хэдхэн хоногийн дараа хичээлийн шинэ жил эхэлж, замын түгжрэл ихэснэ. Энэ жилийн тухайд замын түгжрэл өмнөх жилүүдээс эрт эхэлжээ. Үүнтэй холбоотойгоор Замын хөдөлгөөний удирдлагын төвөөс энэ сарын 26-ны өдрөөс эхлэн ирэх есдүгээр сарын 15- ны өдрийг хүртэл автомашиныг тэгш, сондгойгоор нь хөдөлгөөнд оролцуулахаар төлөвлөж байна.

Тодруулбал, жолооч нар Улаанбаатар хотод нэг өдөр өнжөөд авто замын хөдөлгөөнд оролцоно гэсэн үг. Харин энэхүү шийдвэр албажаагүй байгаа бөгөөд шийдвэрийг өнөөдөр эцэслэх аж. 

Ингэснээр замын ачаалал 37.7 хувиар буурна гэж үзэж байна.