2022 оноо үдэж 2023 оныг угтах Шинэ жилийн баяр айсуй энэ өдрүүдэд төв талбайд баярын тохижилтын ажил эхэлжээ.

Тохижилтын ажил энэ сарын 15-нд дуусна. Өнөөдрийн байдлаар мөсөн гулгуурын талбай, Төв талбайг шинэ оноор ирэх иргэдэд халуун ундаагаар үйлчлэх задгай мухлагуудыг байрлуулсан байна.

Харин энэ жил төв талбай дээр олон гацуур модод байгаад иргэд гайхаад байгаа юм. Тэгвэл энэ жил Элчин сайд, олон улсын байгууллага, үндэсний компаниуд дахин боловсруулсан материалаар мод засаж байгаа аж. Жил бүр төв талбайд засдаг том сүлд мод ч мөн удахгүй сүндэрлэх гэнэ.