Жил бүр хотын түгжрэл бууруулахын тулд 420 тэрбумыг улсын төсөвт тусгаж буй. Гэвч Улаанбаатар хотын автозамын хөдөлгөөн "ТЭГ" зогсолтод хүрэхэд ганцхан алмын зай л дутаж буй гэж хэлэхэд буруудахгүй байх. Харин 420 тэрбумыг юунд, хэрхэн зарцуулсан нь "шилэн" биш.

Өнгөрсөн наймдугаар сарын 27-ны өдрөөс есдүгээр сарын 3-ны өдрүүдэд автомашины улсын дугаарын сүүлийн орны тэгш, сондгойгоор хөдөлгөөнд оролцуулах шийдвэрийг Нийслэлийн Засаг Дарга Д.Сумъяабазар гаргаж үзэв. Уг шийдэл хэсэгхэн хугацаанд үр дүнгээ үзүүлсэн тул өнөөдөр НИТХ-аар цаашид тус шийдвэрийг үргэлжлүүлэх эсэхийг хэлэлцлээ. Гэвч тэгш, сондгой хязгаарлалт цаашид үргэлжилбэл ард иргэд хоёр машинтай болох нь цаг хугацааны л асуудал болно.

Тэгвэл энэ үед  "Авто замын түгжрэлийг бууруулах хөтөлбөрийн хүрээнд хэрэгжих гадаадын зээл тусламжид шаардагдах техникийн туслалцаа, зөвлөх үйлчилгээний ажил" гэх нэр бүхий 1 тэрбум 800 сая төгрөгийн тендер сонгон шалгаруулалт өчигдөр зарлагдлаа. 

Уг тендерийг Нийслэлийн төсвийн хөрөнгөөр санхүүлжүүлж байгаа аж.

Гэтэл түгжрэлийг бууруулах хүрээнд хэдэн зуун тэрбумаар нь хэдийнээ салхинд хийсгэсэн ч зөвлөх үйлчилгээ авах нэрийдлээр дахин 1.8 тэрбумыг зарцуулна гэдэг хэт үрэлгэн хандаж байгаа мэт санагдах юм Д.Сумъяабазар дарга аа...