2021 оны 11 дугаар сарын 04-ний өдөр "Эрдэнэт ус, дулаан түгээх сүлжээ" ОНӨХК-ий Гүйцэтгэх захирал Д.Бүүвэйбаатар тэргүүтэй төлөөлөл Орон сууц нийтийн аж ахуйн удирдах газрын үйл ажиллагаатай танилцаж, туршлага судаллаа. Энэ үеэр тус газрын бүтэц зохион байгуулалт, автоматжуулалт хяналт удирдлагын SCADA системийн үйл ажиллагаа, горим тооцооны програм хангамж, санхүү хэрэглэгчийн үйлчилгээний програм хангамжтай танилцаж, түүнийг судлаж нэвтрүүлэх мэргэжил арга зүйн зөвлөгөө авсан юм.

Мөн тус газрын “Дуудлага хүлээн авах төв”-ийг онцлон санал солилцож ,“Хэрэглэгчдэд үйлчлэх төв-6”-ийн харьяа 33а байрны узель, Лааган-62 бага чадлын ус дулаан дамжуулах төв, Баруун түгээх төвийн харьяа 117 дугаар Ус дулаан дамжуулах төв дээр нэвтрүүлсэн скада системийн үйл ажиллагаа, 121 дүгээр Ус дулаан дамжуулах төвийн тунелийн систем мөн “Хэрэглэгчдэд үйлчлэх төв 15”-ийн үйл ажиллагаатай танилцлаа.