Халдварт өвчин судлалын үндэсний төв гадаад оронд зорчигч иргэдийн PCR шинжилгээг авч байгаа ажээ. Тус төвөөс гадаадад зорчих иргэдэд дараах зүйлсийг анхааруулж байна.

• Нислэгээс 24-48 цагийн өмнө 09:00-13:00 цагийн хооронд шинжилгээ өгсөн байх шаардлагатай бөгөөд Халдварт өвчин судлалын төвийн амбулаторийн цахим бүртгэлд бүртгүүлж Нян судлалын лабораторийн сорьц авах хэсэгт хүсэлтээ өгнө.
• Өгөгдсөн маягтанд гадаад паспортны мэдээллээ гаргацтай, гүйцэд, зөв, англиар бичих ба холбогдох утасны дугаараа бичнэ.
• Шинжилгээ өгсөнөөс хойш хариуг 24 цагийн дараа англи хэл дээр бланкаар олгох бөгөөд шинжилгээний хариугаа авахдаа бичигдсэн өөрийн мэдээллээ шалгаж авахыг анхаарна уу.