Улаанбаатар хотын Орон сууц нийтийн аж ахуйн удирдах газар /ОСНААУГ/ нь хотын оршин суугчдыг дулааны эрчим хүч, хэрэглээний халуун, хүйтэн усаар хангаж, бохир усыг татан зайлуулах үйлчилгээг 24 цагийн турш тасралтгүй үзүүлэн ажилладаг юм.

Орон сууц нийтийн аж ахуйн удирдах газрын даргын 2021 оны 05 дугаар сарын 17-ны өдрийн А/130 дугаар тушаалын дагуу "Хэрэглэгчдэд үйлчлэх төв 12"-ын ажлын хэсэг орон сууцны 86 байр, 133 узель подваль, бага чадлын 14 ус дулаан дамжуулах төвүүдийн инженерийн шугам сүлжээ тоног төхөөрөмжид 2021 оны 05 дугаар сарын 17,18-ны өдрүүдэд хаврын ээлжит үзлэг шалгалтыг явуулсан байна.

Уг үзлэгээр өвөлжилтийг хэрхэн давсан талаарх дүгнэлтийг хийж зуны их болон урсгал засварын бэлтгэлийг хангах, оршин суугч, хэрэглэгчдийг ус дулаанаар тасралтгүй найдвартай хангахад чиглэсэн асуудлуудыг шийдвэрлэж ажиллаж байна.