Өнөөдрийн Нийслэлийн Засаг даргын шуурхай зөвлөгөөн “Орон сууц нийтийн аж ахуйн удирдах газар” ОНӨААТҮГ-аас цахимаар зохион байгуулагдаж байна.

“Орон сууц нийтийн аж ахуйн удирдах газар” ОНӨААТҮГ нь Улаанбаатар хотын оршин суугч, хэрэглэгчдийг дулааны эрчим хүч, хэрэглээний халуун хүйтэн усаар хангаж, бохир усыг татан зайлуулах үйлчилгээг 24 цагийн турш тасралтгүй үзүүлж ажилладаг  1700 орчим ажилтан албан хаагчидтай.

Улаанбаатар хотын 6 дүүргийн 1643 орон сууцны байрны 95 мянга орчим өрх, 29 мянга гаруй оршин суугч, 9 мянган дамжин хэрэглэгч аж ахуйн нэгж байгууллагуудыг өөрийн харьяа 144 ус, дулаан дамжуулах төв, халаалтын 271.5 км, хэрэглээний халуун усны 214.5 км, хүйтэн усны 150 км, ариутгах татуургын 190.2 км инженерийн шугам сүлжээ, тоног төхөөрөмжийн засвар ашиглалт үйлчилгээг хариуцан 24 цагийн турш ус, дулаанаар тасралтгүй ханган ажиллаж байна.