Нийслэлийн Мэргэжлийн хяналтын газраас Коронавируст халдвар /Ковид-19/-аас сэргийлэх, тархалтыг багасгах зорилгоор 16 чиглэлээр 515 албан хаагчид хяналт шалгалтыг тогтмол хийж ажиллаж байна.

Энэ ажлын хүрээнд Баянгол дүүргийн дархлаажуулалтын 18 цэгт ажиллаж буй эмч, ажиллагсдын өдрийн хоолыг бэлтгэж буй 164 дүгээр цэцэрлэгийн хоол үйлдвэрлэлийн үйл ажиллагаа, хүнсний чанар, аюулгүй байдал, эрүүл ахуй, халдвар хамгааллын дэглэмийн мөрдөлтийн байдалд тус дүүрэг дэх Мэргэжлийн хяналтын хэлтсээс хяналт тавьж, мэргэжил арга зүйн зөвлөгөө өгч ажиллаж байна.

Хүнсний түүхий эд, бүтээгдэхүүн нь гарал үүсэл, дагалдах шинжилгээний бичигтэй, ажилчид эрүүл мэндийн урьдчилан сэргийлэх үзлэг, шинжилгээнд хамрагдсан, технологийн картын дагуу хоол үйлдвэрлэл явуулж байна.