Баянгол дүүргийн иргэдийн Төлөөлөгчдийн Хурлын Тэргүүлэгчдийн ээлжит хурал өнөөдөр буюу 2021 оны 04 дүгээр сарын 28-ны өдрийн 15:00 цагт 100 хувийн ирцтэйгээр цахимаар хуралдаж дараах асуудлуудыг хэлэлцлээ.

Тухайлбал,

• Баянгол дүүргийн иргэдийн Төлөөлөгчдийн Хурлын Тэргүүлэгчдийн 2021 оны 03 дугаар тогтоолын хавсралтад өөрчлөлт оруулах тухай, Баянгол дүүрэг дэх Улсын бүртгэлийн хэлтсийн даргын албан үүргийг түр орлон гүйцэтгэгч Ч.Мандалмаа
• Баянгол дүүргийн иргэдийн Төлөөлөгчдийн ээлжит хуралдааны тов зарлаж, хэлэлцэх асуудал батлах тухай, Баянгол дүүргийн иргэдийн Төлөөлөгчдийн Хурлын Тэргүүлэгчдийн 2020 оны 44 дүгээр тогтоолд өөрчлөлт оруулах тухай, Тэргүүлэгчдийн нарийн бичгийн дарга бөгөөд Ажлын албаны дарга А.Даваажаргал танилцуулав.
• Хуралдаанд нэмэлтээр Төрийн одон медаль, шагналд тодорхойлох тухай асуудлыг Засаг даргын Тамгын газар, Төрийн захиргааны удирдлагын хэлтсийн дарга Б.Мөнгөнхуяг танилцуулж холбогдох тогтоол шийдвэрүүдийг гаргалаа.

Хуралдааны төгсгөлд дүүргийн Онцгой комиссын дэд дарга Ж.Наранмандах Коронавируст халдвар /Ковид-19/-ын цар тахлын цаг үеийн нөхцөл байдал, авч хэрэгжүүлж байгаа арга хэмжээний тухай танилцууллаа.