Зах, худалдааны төвүүдийн цагийг төрөөс харилцан адилгүй хязгаарлаж байгаа нь өрсөлдөөнийг хязгаарлаж байна гэж Шударга өрсөлдөөн, хэрэглэгчийн төлөө газраас үзжээ. Тиймээс Нийслэлийн Засаг даргын захирамжаар нийслэлийн хэмжээнд хүнсний зах, худалдааны төвүүдийн үйл ажиллагаа явуулах цагийн хязгаарыг 05:00-22:00 болголоо.

Зах, худалдааны төвүүд уг захирамжийн цагийн хязгаарын хүрээнд ажиллах цагийн хуваарийг дотоод журмаараа зохицуулан ажиллана гэсэн үг юм. Өөрөөр хэлбэл, бөөний худалдаа эрхэлдэггүй зах худалдааны төв заавал өглөө 05:00 цагт эхлэх шаардлагагүй.