Гандангийн уулзвараас тасганы овоо, Баянбүрдийн уулзвар хүрдэг 1.09 км авто замын засварын ажил бүрэн дуусаж, өнөөдрөөс нээн хэвийн ажиллуулж эхэллээ. Тус зам нь 1989 онд баригдсанаасаа хойш нэг удаа өргөтгөл хийгдсэнээс өөрөөр засвар үйлчилгээ хийгдээгүй байсан юм.  

Улсын болон нийслэлийн төсвөөр энэ онд Улаанбаатарт нийт 52,8 км авто зам шинээр тавьж, 17,8 км уулзвар шинэчлэлтийн ажил хийгдэхээр төлөвлөсөн бөгөөд өнгөрсөн дөрөвдүгээр сарын 1-нээс ажлууд эхлээд төлөвлөгөөний дагуу явж байгаа аж.

Зам засварын ажлыг ДЭМБ болон эрүүл мэндийн байгууллагуудын өгсөн заавар зөвлөмжийн дагуу халдвар, хамгааллыг сахиж, аюулгүй байдлын хүрээнд явуулж байна. Энэ онд шинээр баригдах замуудын ихэнхийг хотын захын дүүргүүд, гэр хороололд барихаар төлөвлөжээ.