Сүхбаатар дүүргийн ИТХ-ын тэргүүлэгчдийн 2020 оны 06 дугаар хуралдаан 04 дүгээр сарын 17-ны өдөр хуралдаж 3 асуудал хэлэлцлээ.

Хуралдаанаар:

• "Хуралдааныг цахим хэлбэрээр зохион байгуулах журам батлах тухай"
• "Дүүргийн сонгуулийн хорооны бүрэлдэхүүний саналыг уламжлах тухай" асуудлуудыг ИТХ-ын тэргүүлэгчдийн нарийн бичгийн дарга бөгөөд Ажлын албаны дарга Д.Азжаргал
• "УИХ-ын сонгууль болохтой холбогдуулан ухуулах хуудас болон зурагт самбарыг нийтийн эзэмшлийн гудамж, талбай, олон нийтийн газарт байрлуулах байршлыг тогтоох тухай" асуудлыг дүүргийн Засаг дарга Х.Болормаа нар тус тус танилцуулж тэргүүлэгчдийн хурлаар хэлэлцэн холбогдох тогтоол, шийдвэрүүдийг гаргасан байна.

Э.Ганбат