Нийслэлийн төр, захиргааны байрны өмнө байрлах лэд дэлгэцийг нийслэлийн Засаг даргын Тамгын газраас шинэчиллээ.

Анх 2012 онд нийслэлийн нутгийн захиргааны байгууллагуудын мэдээ мэдээллийг сурталчлах зорилгоор ашиглалтад оруулж байсан боловч ашиглалтын хугацаа дуусаж, эвдрэл гэмтэлд орсныг шинэчлэн засаж сүүлийн үеийн дэвшилтэт технологийн лэд дэлгэц болгосон байна.

Энэхүү дэлгэцээр НЗДТГ, хэрэгжүүлэгч агентлаг, харьяа байгууллагуудын хийж хэрэгжүүлж байгаа ажил, нийслэлчүүд рүү чиглэсэн мэдээ, мэдээллийг 07:00-00:00 цагийн хооронд өнгө дүрсний нягтрал сайтайгаар олон нийтэд хүргэж эхэллээ.

Лэд дэлгэцээр видео контентоо цацуулах хүсэлтэй нутгийн захиргааны байгууллагууд НЗДТГ-ын Хэвлэл мэдээлэлтэй харилцах хэлтэст бэлтгэсэн тексттэй видео мэдээ, мэдээллээ өгөх боломжтой.