"Хариу өгөхгүй бол ирэх Баасан гарагт улс орон даяар ҮЭ-үүдийн тэмцэл хөдөлгөөн өрнөнө"

2020 оны улсын төсөвт Хөдөлмөрийн аюулгүй байдал, эрүүл ахуйн зардал тусгагдаагүй, Нийгмийн даатгалын шимтгэлийг нэмэгдүүлж байгааг эсэргүүцэж Монголын үйлдвэрчний эвлэлийн гишүүн байгууллагууд өнөөдөр Сангийн яам, ХНХЯ-ны гадна талбайд жагслаа.

Тэд "Тэтгэврийн болон Эрүүл мэндийн даатгалын хүртээмжийг нэмэгдүүлэх, Капитал банканд хадгалуулсан гэх 104 тэрбум төгрөгийг санд байршуулах, Хөдөлмөр, нийгмийн зөвшилцлийн Үндэсний гурван талт хороог яаралтай хуралдуулахыг шаардаж" байгаа аж.

Харин хариу өгөхгүй бол ирэх Баасан гарагт улс орон даяар ҮЭ-үүдийн тэмцэл хөдөлгөөн өрнөнө гэдгээ тэд мөн хэллээ.