“Нийслэлийн орон сууцны корпорац” ХК-иас газрыг орон сууцаар солих зарчмаар хэрэгжүүлэх орон сууцжуулах төслийг танилцуулан өнөөдөр мэдээлэл хийлээ.

Газар чөлөөлөлтийн ажлыг хийхдээ гэр хорооллын бүсэд нэг дор 4 га газраас багагүй газарт газрын эздийн 100 хувь өөрийн хүсэл, сонирхлоор нэгдэж төсөлд хамрагдах хүсэлт гаргасан тохиолдолд газрыг орон сууцаар солих зарчмаар хэрэгжүүлэхээр болжээ

Энэ талаар “Нийслэлийн орон сууцны корпорац” ХК-ийн захирал Б.Сүхбаатар "Хамгийн багадаа 4 га талбарт газар чөлөөлөлт хийнэ. Газрыг орон сууцаар солих байршилд эхний ээлжинд Улаанбаатар хотын зургаан дэд төвийг хамруулаад, нэмээд 19 байршлыг оруулсан. 4 га газар дунджаар 90-100 иргэний өмч хэлбэртэй байгаа. Эдгээр иргэд нэгдээд газраа орон сууцаар сольё гэсэн хүсэлт гаргасныг үндэслэн төслийг хэрэгжүүлнэ. Ингэхдээ нэг иргэний газар 40 сая төгрөгөөр үнэлэгдсэн ч 70 сая төгрөгийн орон сууц авах хүсэлтэй байгаа бол үлдэгдэл 30 сая төгрөгийг таван жилийн хугацаанд 8 хүртэлх хувийн хүүтэйгээр төлөх нөхцөлтэйгээр төсөлд хамруулах боломжтой."гэв.

Энэхүү ажлын хүрээнд Нийслэлийн 6-н дэд төв, Гэр хорооллын газрыг дахин зохион байгуулан барилгажуулах төслийн  19-н байршилд 1216 га газрын 20477 нэгж талбарт өртөх иргэд дээрх төсөлд хамрагдах боломжтой. 

Газрыг орон сууцаар солих байршлууд:

1. Сонгинохайрхан дүүрэг 7,8,9,10,28 дугаар хороо  Баянхошуу дэд төв
2. Чингэлтэй дүүрэг 14,18-р хороо, Сүхбаатар дүүрэг 14-р хороо  Сэлбэ дэд төв
3. Сүхбаатар дүүрэг 16, 17-р хороо Дамбадаржаа дэд төв
4. Чингэлтэй дүүрэг 10,11,12,13-р хороо Дэнжийн 1000 дэд төв
5. Баянзүрх дүүрэг 9,17,19,24-р хороо Шар хад дэд төв
6. Сүхбаатар дүүрэг 9,10,11,12-р хороо Орон сууцны 7-р хороолол
7. Баянзүрх дүүрэг 2,4-р хороо Мамба дацан
8. Баянзүрх дүүрэг 13,14-р хороо орон сууцны 14-р хороолол
9. Баянзүрх дүүрэг 12-р хороо Чулуун овооны тойрогоос хууль сахиулах их сургууль орчим
10. Сонгинохайрхан дүүрэг 1,2,20-р хороо Цэргийн хотхон орчим А хэсэгчилсэн талбай
11.  Чингэлтэй дүүрэг 9,10,11-р хороо дэнжийн 1000 орчим В хэсэгчилсэн талбай, 39-р сургуулийн баруун хойд талд Г хэсэгчилсэн талбай