Сүхбаатар дүүргийн ИТХ-ын 2018 оны тэргүүлэгчдээр Ч.Мөнхбаатар, Р.Чогжмаа, Д.Энхтөр, Г.Даваацэцэг, А.Галбаатар, Т.Мөнхбаяр нар ажиллахаар болсон.

     Сүхбаатар дүүргийн ИТХ-ын тэргүүлэгчдийн 2018 оны 1 дүгээр хуралдаан 2018 оны 01 дүгээр сарын 30-ны өдөр хуралдаж 5 асуудал хэлэлцлээ.

Хуралдаанаар: 

- ИТХ-ын тэргүүлэгчдийн 2018 оны үйл ажиллагааны төлөвлөгөө боловсруулах ажлын хэсэг байгуулах тухай

- ИТХ-ын 2018 оны төсвийн задаргаа батлах тухай

- ИТХ-ын Ажлын албаны дотоод журамд өөрчлөлт оруулах тухай

- Дүүргийн ГХУСАЗЗ-ийн бүрэлдэхүүнд өөрчлөлт оруулах тухай асуудлыг ИТХ-ын тэргүүлэгчдийн нарийн бичгийн дарга бөгөөд Ажлын албаны даргын үүрэг гүйцэтгэгч Д.Азжаргал танилцууллаа.

- Төрийн цол, одон медалиар шагнуулахаар дэмжиж, уламжлах тухай Засаг даргын санал"-ыг дүүргийн ЗДТГ-ын Төрийн захиргааны удирдлагын хэлтсийн дарга В.Гомбодорж танилцуулж тэргүүлэгчдийн хурлаар хэлэлцэн холбогдох тогтоол, шийдвэрүүдийг гаргасан байна.

Э.Ганбат